2022-2023 ուստարում իրականացվելիք առարկայական ծրագրերն ու մոդուլները կազմվել են պետական չափորոշչի հիման վրա: Հաշվի անելով նախագծային մոտեցումը՝ յուրաքանչյուր թեմայի վերջում ավելացվում են այն նախագծերը, որոնք իրականացվելու են տվյալ թեմայի շրջանակներում:
2022-2023 ուսումնական տարվա նախագծերը, ծրագրերն ու մոդուլները ներկայացնեմ ստորև.
- Մաթեմատիկա (1-ին կուրս)
- Թվային գրագիտություն և համակարգչային գիտություն (1-ին կուրս)
- Մաթեմատիկական անալիզի տարրեր (2-րդ կուրս)
- Տարրական մաթեմատիկական պատկերացումների ձևավորման մեթոդիկա (3-րդ կուրս)
- Անալիտիկ երկրաչափության տարրերը (2-րդ կուրս)
- Ալգորիթմերի տարրերի կիրառությունը (2-րդ կուրս)
- Դիֆերենցիալ և ինտեգրալ հաշվի կիրառությունները (3-րդ կուրս)
Ուսանողների առաջադրանքների և ուսումնական նյութերի փաթեթները հղումներով ստորև.
- Մաթեմատիկա 1-ին կուրս
- Թվային գրագիտություն և համակարգչային գիտություն 1-ին կուրս
- Տարրական մաթեմատիկական պատկերացումներ
- Մաթեմատիկական անալիզի տարրեր
- Անալիտիկ երկրաչափության տարրերը
- Ալգորիթմերի տարրերի կիրառումը
- Դիֆերենցիալ և ինտեգրալ հաշվի կիրառությունները
Այս ուսումնական տարին սկսել եմ երկարաժամկետ նախագծերով, որոնցով աշխատելու եմ ամբողջ ընթացքում։ Աշխատանքները ներկայացված են ստորև՝ նախագծերի տեսքով։
Միասնական նախագծեր
- Մասնագիտական ուսումնասիրության նախագծերի մեկնարկ
- Կիբերանվտանգության հիմունքներ (Hacking). Հայկ Հարությունյան
- Իմ իրավունքները և թվային աշխարհը․ Նարեկ Սոսոյան, Արմեն Ավետիսյան
- Ծրագրավորման լեզուների ստեղծումն ու զարգացումը․ Վաչե Թաթոյան
- Արհեստական բանականության կիրառումը ուսումնական գործընթացում․ վտանգները և հնարավորությունները․ Դավիթ Խալաթյան, Աշոտ Վարդանյան
Համագործակցային նախագծեր
- «Մխիթար Սեբաստացի» կրթահամալիրի Քոլեջը և հայկական վիրտուալ համալսարանի հետ արհեստական բանականություն դասընթացի ընթացիկ աշխատանք
- Արդյունքների հրապարակում քոլեջի կայքում
- Լրացուցիչ հանդիպումներ ուսանողների հետ
Շուրջտարյա և ընթացիկ նախագծեր
- «Թվային գրագիտություն և համակարգչային գիտություն» դասընթացի երկարաժամկետ նախագծային աշխատանքներ 2023-2024 ուստարվա համար
- SCRATCH բլոկային ծրագրավորման ծրագրի ուսումնասիրություն, ինքնուրույն աշխատանքների կազմում և ներկայացում 2023-2024 ուստարվա համար
- Մաթեմատիկական պատկերացումների և հմտությունների ձևավորմանն ուղղված նախագծային աշխատանքներ նախադպրոցական տարիքի երեխաների համար 2023-2024 ուատարի
- Թարգմանչական աշխատանքներ, ինքնուրույն աշխատանքներ։ Քոլեջի կայքի նյութերի հրապարակման պատասխատուներ՝ 1-ին կուրսի ուսանողներ
Այլ լրացուցիչ աշխատանքներ․
- Մաթեմատիկական ֆլեշմոբ,
- Քոլեջի կայքի սպասարկում,
- Արհեստական բանականություն, Phyton ծրագրավորման լեզվի դասընթաց, խմբի համակարգում,
- Աշխատանք ուսանողների հեռակա խմբերի հետ,
- Դիպլոմային աշխատանքների ղեկավարում, համակարգում։
Առաջին կուրսի ուսանողների հետ ուսումնասիրեցինք ՏՀՏ հիմունքները, լրացրեցինք իրենց բաց թողած գիտելիքները, ձեռք բերեցինք նոր հմտություններ, որոնք շատ պիտանի են ներկայիս թվային աշխարհում և պահանջված հմտություններ են աշխատաշուկայի համար։ Այս նախագծային աշխատանքը համարում եմ ձեռքբերում, քանի որ կարողացա կրթահամալիր նոր մուտք գործած ուսանողների մոտ ձևավորել աշխարհայացք, նրանք դարձան մեդիագրագետ, ձեռք բերեցին բազում հմտություններ ՏՀՏ ոլորտում։
Մաթեմատիկա առարկայի շրջանակերում անցկացվել են քննական աշխատանքներ, կազմել եմ միջանկյալ քննական տոմսեր, իրականացրել գնահատման աշխատանքներ։
Կարևորելով լաբորատոր գործնական ուսուցումը՝ Նախադպրոցական կրթություն 3-րդ կուրսի ուսանողների հետ իրականցրեցինք Մաթեմատիկական պատկերացումների և հմտությունների ձևավորմանն ուղղված նախագծային աշխատանքներ նախադպրոցական տարիքի երեխաների համար, որի ընթացքում ուսանողները ինքնուրույն կազմեցին խաղային նախագծեր պարտեզի խմբերի համար, իրականացրին ուսումնական նախագծերը, սովորեցին ամփոփել, գնահատել իրենց իսկ կատարած աշխատանքները, ձեռք բերեցին գործնական աշխատանքի հմտություններ։ Նախագիծը շարունակական է, խաղերի փաթեթը դեռ համալրվելու է։ Նախատեսվում է նախագծային աշխատանքներից օգտվելով ստեղծել մաթեմատիկական պատկերացումների և հասկացությունների զարգացմանն ու ձեռքբերմանը նպաստող խաղերի փաթեթ, որը շարունակաբար կլրացվի և կկիրառվի հաջորդիվ ուսանողների կողմից։
SCRATCH բլոկային ծրագրավորման ծրագրի ուսումնասիրություն։ Իրականացնում ենք հաշվողական տեխնիկայի և համակարգչային ցանցերի տեխնիկական սպասարկման 2-րդ կուրսի ուսանողների հետ, որի շնորհիվ հիմք է դրվում իրենց ալգորիթմային մտածողությանը, կարողանում են ստեղծել պարզ խաղեր, լուծել պարզ խնդիրներ, անընդհատ բարելավում են իրենց հմտությունները, իսկ հետագայում, կիրառելով ձեռք բերված գիտելիքները, կկարողանան ստեղծել, օրինակ, ռոբոտի համար աշխատող ծրագիր, ինչը հավելյալ հմտություն է իրենց մասնագիտության համար։ Այս ուսումնական շրջանի համար ուսանողները կազմել էին խաղերի փաթեթ 5-8 տարեկանների համար, որոնք փորձարկել ենք 5 տարեկանների խմբերում։ Նախատեսվում է սովորող-սովորեցնող բաղադրիչով դասընթացներ կազմակերպել կրտսեր սովորողների համար Արևմտյան և Արևելյան դպրոցներում հունվարյան ստուգատեսների շրջանակներում։
Ֆլեշմոբյան աշխատանքները, որպես ուսումնական գործունեության անբաժան մաս, անընդհատ իրականացվում են, ուսանողները ակտիվ մասնակցում են, առաջադրում են խնդիրներ։ Ես ևս կազմել եմ խնդիրներ, եղել եմ նոյեմբեր ամսվա 3-րդ մակարդակի խնդիրների պատասխանատուն։ Խնդիրների ընտրությանը մոտեցել եմ ջանասիրաբար, ամենայն հետաքրքրությամբ և ուշադրությամբ, ինչը կարևոր եմ համարում ֆլեշմոբյան աշխատանքների կատարման պատասխանատուների համար։
Համագործակցային աշխատանքների ընթացքում ես և Լենա Նալբանդյանը համակարգել ենք քոլեջի ուսանողների աշխատանքը, կազմակերպել ենք մասնակցությունը դասընթացներին, իրականցրել ենք լրացուցիչ աշխատանքներ ուսանողների հետ, որպեսզի հնարավորինս ամբողջական կարողանան յուրացնել ծրագիրը։ Դասընթացների կազմակերպման ձևը հարմար է, ուսանողներին՝ հետաքրքիր։
Մասնագիտական ուսումնասիրությունների նախագծային աշխատանքները նախատեսվում է ամփոփել հունվարյան ստուգատեսի ընթացքում՝ կազմակերպելով կլոր սեղան-քննարկումներ։
Մաթեմատիկական բլոգ 